Cigaret të cilat ju i tymosni mund të jenë produkt i shfrytëzimit të fëmjëve!
Sipas një raporti 119 faqesh, nga Monitoruesit e të Drejtave të Njeriut, të pulblikuar të mërkurën, me mijra fëmijë i ekspozohen pesticideve dhe nikotinës duke punuar për industrinë e duhanit në Indonezi. E cila njihet si industria e pestë me e madhe për prodhimin e duhanit në të gjithë botën.
Në disa rajone të Indonezisë, fëmijët punojnë së bashku me prindërit e tyre në fermat e duhanit, për më pak se 0.73 deri në 1.10 $ për ditë, gjithomonë duke pasur parasysh nëse puna e tyre paguhet.
Shfytëzimi i fëmijëve shumë shpesh nuk vërehet sepse për shkak të një sistemi të kontrolluar të furnizimit, i cili fillon me tregtarin vendor ose me liderin e fshatit, të cilët mbledhin duhanin prej fermave për ta shitur atë në magazina. Këto magazina ripaketojnë duhanin para se ta shesin atë për shumë kompani të duhanit qofshin ato multinacionale apo nacionale nga Indonezia.
Kompanitë e duhanit të cilat shumë rrallë interesohen për burimin e produkteve të duhanit, shpërndajnë më pas pakot e duhanit tek konsumatorët në të gjithë botën.
Megjithse Indonezia ka ligje që kundërshtojnë shfrytëzimin e fëmijëve për punë, sipas raportit ligjet nuk janë të zbatueshme në praktikë, sepse nuk ka mjaftueshëm inspektorë për të kontrolluar respektimin e këtij ligji.
Kompanitë e duhanit do të mund të largonin nga ekuacioni magazinat për tu furnizuar direkt nga fermat e duhanit, por prap se prap shfrytëzimi i fëmijëve do të vazhdonte për shkak të dënimeve të ulëta për këto shkelje.
Monitoruesit e të Drejtave të Njeriut ndan raportin e tyre me kompanitë e duhanit, nacionale dhe multinacionale. Përderisa disa nga kompanitë multinacionale janë duke u munduar të zvogëlojnë shfrytëzimin e fëmijëve, kompanitë e duhanit nga Indonezia nuk i janë përgjigjur fare këtij raporti, duke zgjedhur heshtjen.
KADC ngrit vetëdijen për të ushqyerit e shëndeshtëm dhe aktivitetin fizik
Prishtinë, 23 maj 2016
Qendra Kosovare për Zhvillim dhe Avokim (KADC) me qëllim të ngritjes së vetëdijes mbi rëndësinë që ka të
ushqyerit e shëndetshëm dhe aktiviteti fizik, në muajin maj ka filluar mbajtjen e prezantimeve interaktive në
shkollat fillore të komunës së Prishtinës.
KADC është angazhuar për ngritjen e vetëdijes në këtë fushë nga fakti se fëmijët dhe prindërit në Kosovë çdo ditë e
më shumë po përballen me probleme si mbipesha dhe zhvillimi trupor jo i drejtë. Sot është bërë normale që fëmijët
tanë të konsumojnë rregullisht ushqime jo të shëndetshme siç janë ushqimet e shpejta dhe ushqime të tjera që njihen
si “junk food” e që në kombinim me pasivitetin fizik sjellin pasoja të rënda për shëndetin e tyre në të ardhmen. Kur
kësaj i shtohen edhe lojërat dhe argëtimi virtual përmes qëndrimit pasiv për orë të tëra pranë TV-së apo kompjuterit,
kjo ndikon drejtpërdrejtë në zhvillimin jo të drejtë asocializim të fëmijëve.
Përmes prezantimeve interaktive nxënësit do të kuptojnë rëndësinë e përkujdesjes ndaj përzgjedhjes së ushqimit dhe
aktivitetit fizik, duke mësuar se si të ushqyerit e shëndetshëm dhe lojërat jo virtuale me shokët dhe shoqet mund të
jenë shumë më argëtuese kur bëhen së bashku në klasë apo edhe në familje.
Materialet e ndara me nxënësit përmbajnë informata në lidhje me grupet e ushqimeve të shëndetshme që duhet të
konsumohen, se si të jenë më aktiv si dhe informata mbi dëmin dhe kufizimet kohore për aktivitetet pasive.
Udhëzuesin e ushqimit i cili vlen për të gjitha grup moshat gjendet në ueb-faqen e KADC-së: http://kadcks. org/udhezuesi-im-i-ushqimit.
Prezantimet interaktive do të përfshijnë rreth 6000 nxënës të shkollave fillore të Komunës së Prishtinës.
“Ky program është financuar nga projekti Promovimi i Shoqërisë Demokratike (DSP) – i financuar nga Zyra
Zvicerane për Bashkëpunim në Kosovë (SCO-K) dhe menaxhuar.
Udhëzuesi im i Ushqimit
Udhëzuesi im i Ushqimit, përmban zgjedhje të ushqimit nga të gjitha grupet ushqyese duke filluar nga pemët dhe perimet, drithërat, qumshti me alternativat e tij si dhe mishi me alternativat e tij.
