Debati në mes të qytetarëve dhe autoriteteve zbatuese të Ligjit për Kontrollin e Duhanit

04 nëntor 2015

Debati në mes të qytetarëve dhe autoriteteve zbatuese të Ligjit për Kontrollin e Duhanit

Sot u mbajt Tryeza e Hapur “Mjediset pa tym duhani” e organizuar nga Qendra Kosovare për Zhvillim dhe Advokim (KADC) në bashkëpunim me Ministrinë e Shëndetësisë dhe Zyrën e OBSH-së në Kosovë. Qëllimi ishte informimi i pronarëve dhe menaxherëve të subjekteve afariste hoteliere për të diskutuar dhe për t’u njoftuar mbi të drejtat, obligimet dhe përgjegjësitë që dalin nga Ligji për Kontrollin e Duhanit Nr. 04/L-156 dhe nga Udhëzimi i ri Administriativ Nr.09/2015 “Mjediset pa tym duhani dhe vendosja e shenjave për ndalimin e duhanit në hapësirat e mbyllura”. Dhe shpërndarja e mirënjohjeve Anti-duhan: “Tobacco free keeps the world healthy!” për liderët e respektimit të ligjit kundër duhanit.

Ministri Rrahmani shprehu përkrhajen e tij për respektimin e Ligjit për Kontrollin e Duhanit, pasi që sipas tij respektimi i ligjit mbron direkt shëndetin e qytetarëve dhe gjeneratave të ardhëshme në shoqërinë tonë. Në një mendje me atë ishte edhe Skënder Syla, i cili potencoi se duhan pirja pasive rrezikon shëndetin e fëmijëve tanë duke cënuar në të njejtën kohë edhe lirinë e zgjedhjes së qytetarëve të cilët nuk i konsumojnë produktet e duhanit. Përkrahja për zbatimin e këtij ligji erdhi edhe nga përfaqësuesi i policisë së Kosovës kapiteni Vllaznim Surdulli.

“Udhëzimi i ri administrativ sqaron se personi përgjegjës ka për detyrë që pas informimt të personit fizik se është duke e shkelur ligjin dhe pasi ti kërkoj të largohet nga hapësira e mbyllur, të njoftoj policinë e Kosovës e jo të raportoj në numrin 800 11000 siç praktikohej deri më tash.” tha Faik Hoti, koordinator kombëtar për ligjin për kontrollin e duhanit.

Në debat publik qëndrimet e tyre i shprehën edhe pronarët e menaxherët e subjekteve afariste e hotelerire, duke shprehur shqetësimin e tyre ndaj drejtësisë selektive e cila po vërehet edhe përgjatë zbatimit të këtij ligji. Sepse konkurenca jo e barabartë në mes të atyre që e respektojnë dhe e shkelin ligjin ndikon në humbjen e klientelës për këto restorane, kafeteri e hotele.

Ilirjana Zymberaj, drejtoresha e inspeksionit u bëri thirrje qytetarëve që të vazhdojnë të bashkëpunojnë me inspektoratin e Kosovës duke raportuar shkelësit në numrin 800 11000, në mënyrë që të sigurohet një konkurencë e barabartë ku respektohet ligji brenda ambienteve të mbyllura, do të përmirësonte problemin e potencuar nga pronarët dhe menaxherët e subjekteve afariste.

KADC shpërndau mirënjohje Anti-duhan: “Tobacco free keeps the world healthy!” për pronaret dhe menaxherët e ndërgjegjshëm që respektojnë Ligjin për Duhan, për tju bërë të ditur se këto subjekte kanë përkrahje nga autoritetet zbatuese të tij.

Lufta për mbrojtjen e shëndetit të fëmijëve dhe të rinjëve vazhdon

27 tetor 2015

Lufta për mbrojtjen e shëndetit të fëmijëve dhe të rinjëve vazhdon.

Kafiteritë, restoranet dhe lokalet tjera hoteliere që lejojnë pirjen e duhanit janë dënuar me 38,250 euro gjithsej!

https://www.youtube.com/watch?v=4oq3cBhbqRE

Gjykatat kanë shqiptuar 38 mijë e 250 euro dënim për ata që se kanë respektuar Ligjin e Duhanit

24 tetor 2015

Gjykatat kanë shqiptuar 38 mijë e 250 euro dënim për ata që se kanë respektuar Ligjin e Duhanit

Në konferencën për media të mbajtur me 24 tetor 2015, KADC prezanton raportin “Monitorimi i Trajtimit të Lëndëve për Duhanin në Gjykatat e Kosovës”.

Sipas të dhënave numri i lëndëve në të gjitha gjykatat e Kosovës që është dorëzuar në këtë periudhë kohore 2 vjet e 2 muaj është 319. Në procedurë prej tyre janë 193 lëndë, ndërsa 126 janë të përfunduara. Në këtë konferencë u bë e ditur se gjykata me numër më të madh të lëndëve për duhanin janë: gjykata në Lipjan me 85 lëndë, Gjykata Themelore e Prizrenit me 68 lëndë dhe Gjykata Themelore e Prishtinës me 55 lëndë. Gjobat e ndara tek shkelësit kanë qënë në vlera të ndryshme prej 50 deri në 3000 euro.

Skënder Syla shef i zyrës të Organizatës Botërore të Shëndetësisë tha “Ligji për kontrollin e duhanit është ligji më i rëndësishëm për mbrojtjen e shëndetit publik të qytetarëve të Kosovës. Pasojat negative që sjell tymosja e duhanit në të gjitha stazat e jetës, qoftë te një grua shtatzënë, te një fëmijë i vogël që ekspozohet në mënyrë pasive të tymosjes së duhanit dhe gjatë gjithë fazave të jetës”.

Durak Zyrapi, inspektor sanitar regjional nga komuna e Prizrenit tha “Ligji dhe respektimi i tij duke përfshirë këtu edhe Ligjin për Kontrollin e Duhanit, tregon për organizmin e shoqërisë si dhe vetëdijësimin e saj. Është e rëndësishme që qytetarët të kuptojnë se inspektorati dhe gjykatat janë autoritet shtetëror i cili funksionon edhe gjatë kohës kur ka bllokada politike. Prandaj u bëj thirrje të gjithë qytetarëve që të paraqesin shkeljet në numrin 0800 11000.”

Ndërsa gjyqtari i gjykatës themelore në Prishtinë, Murat Paqarada tha se angazhimi në ngritjen e bashkëpunimit në mes të institucioneve zbatuese të Ligjit për Kontrollin e Duhanit, është një hap shumë i rëndësishëm që duhet ndërmarrë për forcimin e zbatimit të tij. Paqarada shtoi se masat edukuese për informimin e qytetarëve me detyrat të cilat burojnë nga ky ligj ka marrë fund dhe ka ardhur koha për edukimin përmes aplikimit të sanksioneve ndaj shkelësive të tij.