Vend i lirë pune

KADC ka nisur zbatimin e projektit “Energjizimi i komunitetit nëpërmjet inovacionit, kreativitetit dhe përfshirjes së të rinjve”. Projekti ka për qëllim krijimin e kulturës së dialogut dhe komunikimit ndërmjet të rinjve dhe qeverisë lokale nëpërmjet të rritjes së pjesëmarrjes dhe forcimit të kulturës sportive në mesin e të rinjve.

Shpallje për vend pune

Koordinator/Asistent i Projektit

Paga: 600$ bruto

Kohëzgjatja: 11 muaj

Përgjegjësitë

Koordinon dhe organizon aktivitetet e grupeve të të rinjve në komunat e Pejës, Istogut dhe Klinës.
Bën organizimin e punëtorive, takimeve, debateve, ngjarjeve dhe aktiviteteve tjera që parashihen në projekt
Mban kontakte të vazhdueshme dhe kultivon marrëdhënie të qëndrueshme me palët relevante të interesit (organet komunale, drejtorët dhe mësimdhënësit) dhe i informon mbi ecurinë e aktiviteteve të projektit
Poston aktivitetet e KADC-së në faqen kadc-ks.org, mediet sociale, etj.
Zbaton udhëzimet e udhëheqësit të projektit dhe ndërmerr vetë-iniciativa kur është e nevojshme
Sigurohet ti menaxhoj dhe t’u përgjigjet shpejt e në mënyrë efektive kërkesave dhe thirrjeve të partnerëve
Kryen edhe detyra të tjera sipas nevojës

Kualifikimet e preferuara

Aftësi të mira komunikimi verbale dhe në të shkruar
Të jetë e/i aftë të punoj në mënyrë efektive në një mjedis ku prioritetet janë fluide dhe ndërrojnë shpesh
Të jetë në gjendje të punoj me orar fleksibil në rastet kur është e nevojshme për të akomoduar nevojat e projektit
Të ketë aftësi të punoj në mënyrë të pavarur dhe si pjesë e ekipit
Të demonstroj aftësi për të arritur afatet
Të ketë përvojë në hartimin e planeve të komunikimit, strategjive dhe taktikave, përfshirë marrëdhëniet me mediet dhe publikun
Aftësi të mira ndër-personale dhe aftësi për të ndërtuar marrëdhënie të forta me palët e interesit, etj.
Qasje pozitive, i/e vetë-motivuar me aftësinë për të punuar edhe në mënyrë të pavarur
Aftësi të forta organizative, menaxhim të kohës, menaxhim të projekteve, zgjidhje të problemeve si dhe aftësi analitike
Fleksibilitetet, shkathtësi dhe gatishmëri për të prodhuar rezultate cilësore nën presion të kohës
Të ketë njohuri të mira të gjuhës angleze

Dokumentet e nevojshme

Letër motivuese
Curriculum Vitae (CV)

Një numër i kufizuar kandidatëve të përzgjedhur do të ftohen në intervistë. Është shumë e dëshirueshme që kandidatët të jenë jo-duhanpirës.

Kandidatët e interesuar duhet të dërgojnë dokumentet në formë elektronike deri me 07 maj 2018 në këtë e-mail adresë: info@kadc-ks.org

Cilësia e Ajrit në Kosovë – Euro Standardet

Cilësia e Ajrit në Kosovë-Euro Standardet (Shkarko Raportin)

Një nga problemet më të rënda shëndetësore publike sot është ekspozimi ndaj ndotjes së ajrit. Rreth 1 në 10 nga vdekjet e përgjithshme në mbarë botën i atribuohen ndotjes së ajrit. Ndotja e ajrit është një çështje e rëndësishme mjedisore dhe sociale dhe një problem kompleks që paraqet sfida të shumta në drejtim të menaxhimit dhe zbutjes së ndotësve të dëmshëm.

Rritja e popullsisë urbane dhe rritja e vëllimit të trafikut të motorizuar në qytete ka rezultuar në ndotje të rëndë të ajrit që ndikon në mjedisin rrethues dhe shëndetin e njeriut. Në vendet në zhvillim, rritja e ndotjes urbane të ajrit ka rezultuar në më shumë se 2 milionë vdekje në vit (OBSH, 2014). Një nga burimet kryesore të ndotjes urbane të ajrit është transportit rrugor. Mbi 70-80% e ndotjes urbane të ajrit në qytetet e vendeve në zhvillim i atribuohet shkarkimit të emisioneve ne ajër nga një numër i madh i automjeteve të vjetra, mirëmbajtjes së dobët të automjeteve, infrastrukturës jo adekuate të rrugëve dhe cilësisë së ulët të karburanteve.

Me fillimin e sezonit dimëror, fillon alarmimi i shoqërisë kosovare për rrezikun shëndetësor që na kanoset nga ndotja e ajrit. Kjo përsëritet për çdo vit me radhë. Sistemi prej 11 stacioneve të instaluar në qytetet me ndotje më të madhe të ajrit monitorojnë grimcat e pluhurit PM10, PM2.5, dioksidin e azotit NO2, dioksidin e sulfurit SO2, ozonin O3, dhe monoksidin e karbonit CO. “Alarmin” për ndotjen e ajrit zakonisht nuk e jep Agjencioni për mbrojtjen e mjedisit por një matës vizuel i vendosur në ambasadën amerikane i cili në kohë reale në portalet më të lexuara në Kosovë i publikon vlerat e ndotjes të PM10 dhe PM2.5.

Ngjajshëm si në qytetet e mëdha urbane të Evropës ku gazrat e liruara nga automjetet janë kontribuesit më të mëdhenjë të emisioneve të rrezikshme të dioksidit të azotit (39%), edhe në Prishtinë një ndër kontribuesit më të mëdhenjë supozohet të jetë ai i sektorit rrugor. Shumica e automjeteve që sot qarkullojnë përdorin naftën si lëndë djegëse dhe shumica janë më të vjetra se dhjetë vite.

Duke pasur parasysh natyrën gjithëpërfshirëse për të kontrolluar ndotjen e ajrit, është thelbësore që lufta për ajër më të mirë të konsiderohet si një veprim i bashkërenduar, ku, përveç autoriteteve përgjegjëse për mbrojtjen e mjedisit, të gjitha institucionet tjera që kanë kompetencë, përgjegjësi dhe fuqi për të praktikuar zbatimin e masave të nevojshme për të frenuar emetimet e ndotësve në burim duhet të jenë vazhdimisht të përfshira.

Prishtina duhet të mbështetet fuqimisht nga qeveria, nga ministritë për mjedisin dhe infrastrukturën, për të investuar në infrastrukturën e trafikut që promovon përdorimin e mënyrave të pastra të transportit (transport publik, çiklizëm dhe zona këmbësorësh).

Megjithatë, në të njëjtën kohë duhet të merren masa për të pastruar numrin e madh të automjeteve në përdorim, duke u fokusuar në transportin publik me autobusëve në radhë të parë. Autobusët duhet të vazhdojnë të modernizohen me autobusë të rinj Euro 6 ose autousët Euro 4/5 të pajisen me filtrin e grimcave të naftës.

Përmirësimi i Cilësisë së Ajrit në Kosovë

[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_text admin_label=”Text” background_layout=”light” text_orientation=”left” use_border_color=”off” border_color=”#ffffff” border_style=”solid”]

Durrës, 10-11 mars 2018

Me 10 dhe 11 mars 2018, KADC organizoi seminarin “Përmirësimi i Cilësisë së Ajrit në Kosovë” e cila për qëllim kryesor kishte identifikimin e problemeve dhe gjetjen e zgjidhjes për përmirësimin e cilësisë së ajrit në Kosovë për ruajtjen dhe mbrojten e shëndetit publik.

Pjesëmarrës në seminar përveç ekspertit ndërkombëtar të sektorit të menaxhimit të cilësisë së ajrit në Berlin z. Lutz ishin edhe ekspertë dhe specialist nga Ministria e Mjedisit dhe Planifikimit Hapësinor, Ministria a Infrastrukturës, Instituti i Shëndetësisë Publike, Komuna e Prishtinës, Fondacioni për Shoqëri të Hapur, Instituti i Studimeve Ambientale të Shqipërisë, shoqëria civile dhe mediet.

Gjatë seminarit dy ditor pjesëmarrësit diskutuan mbi situatën aktuale dhe gjendjen e monitorimit të cilësisë së ajrit në Kosovë, legjislacioni nacional dhe harmonizimin me standardet EURO të emetimit dhe përvoja e zbatimit në në Shqipëri. Gjithashtu u theksua rëndësia a inventarizimit të burimeve të ndotjes së ajrit, ndotja e ajrit në kryeqytet dhe plani i lëvizshmërisë, masat që duhet ndërmarr për të arritur kufizimin e vlerave PM dhe NOx si dhe menaxhimi i marrëdhënieve me publikun në rastet e emergjencës. Rreth 800 vdekje të parakohshme në vit i atribuohen vdekjeve që vijnë si pasoj e ndotjes së ajrit.

Lidhur me monitorimin e cilësisë së ajrit në Kosovë, pjesëmarrësit u pajtuan që një rol aktiv në publikimin e rezultateve të monitorimit ta marrin instituicionet tona qeveritare. Pra matjet që bëhen në terren të publikohen në një form lehtë të kuptueshme për publikun gjatë tërë vitit dhe online, saktë dhe për çdo ditë. Z. Latifi njoftoi që “matjet e cilësisë së ajrit bëhen vazhdimisht por që mbledhja e tyre bëhet me marrjen fizike të shënimeve në vendin e matjes dhe që nganjëherë ndodh të mos kemi mundësi të dërgojmë zyrtarë për mbledhjen e tyre. Ato publikohen në baza ditore, mujore dhe vjetore në faqen e Ministrisë së Mjedisit”.

Korniza legjislative e ruajtjes së cilësisë së ajrit në Kosovë dhe strategjitë përcjellëse janë të përafërta me politikat e Bashkimit Evropian. Sipas Z. Shatri nga Ministria e infrastrukturës “nevojitet që të plotësohet/ndryshohet dhe zbatohet Udhëzimi Administrativ Nr. 08/2016 i Qeverisë së Kosovës për normat e lejuara të shkarkimeve në ajër nga burimet e lëvizshme të ndotjes”. Deri më tash ky UA ka pasur vetëm një karakter ekperimental gjashtë (6) mujor. Në Kosovë janë në qarkullim aktiv gjithsejt 358,855 automjete – prej tyre 72.67% me djegie dizel ndërsa 27.32% me diegie benzin. Pjesa dërmuese e tyre 72% janë deri në standardin Euro 3, Euro 4 janë 19,57% dhe Euro 6 e 7 vetëm 8.46%.

Znj. Podvorica prezentoi planin urban të lëvizshmërisë së komunës së Prishtinës dhe ngarkesën e trafikut e cila në qendër brenda 24 orëve kap shifrën prej 25,737 automjeteve si burim i vazhdueshëm i ndotjes në kryeqytet. Sipas saj “plani urban i lëvizshmërisë së shpejti do të filloj të zbatohet dhe përmes kufizimeve të ndryshme do të kontriboi në përmirësimin e cilësisë së ajrit në kryeqytet”. Shkumbim Spahija nga KADC u angazhua që në ky plan i lëvizshmërisë të përfshij objektivën e ruajtjes dhe përmirësimit të cilësisë së ajrit.

Ndërkaq z. Shllaku nga KFOS tha që “në Kosovë nevojitet inventarizimi i saktë i të gjitha burimeve të ndotësve të ajrit dhe në momentin kur të kemi identifikuar dhe inventarizuar ndotësit sipas pjesëmarrjes së tyre atëherë mund të intervenojmë efektivisht në përmirësimin e cilësisë së ajrit me masa adekuate për secilin ndotës veç e veç”.

Një vëmendje e veçantë në seminar iu kushtua rolit të medieve në formulimin e mesazheve dhe komunikimin me publikun gjatë periudhës kur ndotja e ajrit është në nivelin më të lartë si dhe mënyrat e bashkëpunimit më të mirë me ministritë pergjegjëse për të formuluar lajmin ashtu që të kuptohet drejtë nga publiku i gjërë.

Në fund eksperti ndërkombëtar z. Lutz, përpiluesi i strategjisë së cilësisë së ajrit të Kosovës të vitit 2009 tha që “nga hera e fundit të angazhimit tim në Kosovë gjërat kanë ndryshuar në të mirë, tash kemi instrumente të mjaftueshme për monitorimin e cilësisë, numër të saktë të automjeteve dhe llojit të tyre. Nevojitet që të rriten burimet njerëzore për inventarizim të ndotësve, zbatim të masave për përmirësimin e cilësisë se ajrit nga ndotja prej trafikut rrugor (grimcat PM 2.5 dhe PM 10, NOx), termocentralit, ngrohjes shtëpiake, ndërtimtarisë dhe një monitorim e publikim i saktë dhe i vazhdueshëm i ndotjes në faqet zyrtare”.

KADC do të vazhdoj avokimin për një komunikim të vazhdueshëm dhe konstruktiv mes palëve të interesit dhe institucioneve përgjegjëse për pëmirësimin e cilësisë së ajrit dhe angazhohet në ngritjen e vetëdijës mbi rrezikun që vjen nga ndotja e ajrit përgjatë tërë vitit dhe jo vetëm gjatë muajve kur ndotja është në kulmin e saj.

[/et_pb_text][/et_pb_column][/et_pb_row][/et_pb_section]