Trajtimi i pacientëve të varur nga duhani
Qendra Kosovare për Avokim dhe Zhvillim (KADC) në bashkëpunim me Ministrinë e Shëndetësisë dhe Institutin Kombëtar të Shëndetësisë Publike mbajti trajnimin profesional: “Trajtimi i pacientëve të varur nga duhani dhe ofrimi i mbështetjes shëndetësore për lënien e duhanit”.
Në këtë punëtori morën pjesë rreth 30 mjekë dhe profesionistë tjerë shëndetësor të qendrave të mjekësisë familjare nga tetë qendrat rajonale në Kosovë, të cilët u trajnuan nga specialistë të certifikuar nga “Qendra e Trajtimit të Varësisë nga Duhani” në “Mayo Clinic” të Rochester, Minessota, SHBA.
Qëllimi kryesor i kësaj ngjarje ishte aftësimi dhe ngritja e kapaciteteve të mjekëve të kujdesit parësor mbi metodat e trajtimit të pacientëve të varur nga duhani dhe integrimi i shërbimit të ndërprerjes së duhan-pirjes në shërbimet klinike shëndetësore në Kosovë.
Profesionistët shëndetësorë që morën pjesë në punëtori do të jenë të aftë që të ofrojnë këtë shërbim në qendrat mjekësore ku ata punojnë dhe kësisoj të vendosin hapat e parë për krijimin e shërbimeve për lënie të duhanit edhe në Kosovë. Kjo do tu mundësojë pacientëve dhe popullatës sonë marrjen e këtij shërbimi shëndetësor në qendrat e mjekësisë familjare në komunën e tyre.
Monitorimi i Duhanit nëpër Gjykatat e Kosovës 2015-2017
Lëndët për Duhanin në Divizionin e Kundërvajtjes në Gjykatat e Kosovës
Pas fillimit të zbatimit të Ligjit për Kontrollin e Duhanit, në maj të vitit 2013 dhe ndalimin 100% të pirjes së duhanit në hapësira të mbyllura, Kosova ka bërë edhe një hap më tutje në mbrojtje të shëndetit të qytetarëve.
KADC ka bërë monitorimin e lëndëve të duhanit në gjykata gjatë periudhës dy vjeçare shtator 2015 – 2017 me qëllim të përcjelljes së zbatueshmërisë së Ligjit për Kontrollin e Duhanit. KADC ka mbledhur të dhëna për lëndët e duhanit nga stafi gjyqësor dhe administrativ i gjykatave në tërë territorin e Republikës së Kosovës. Të dhënat mbi të cilat ndërtohet raporti janë të dhëna në lidhje me numrin e lëndëve për duhanin të dorëzuara në gjykata nga inspektorati sanitar lokal dhe qendror.
[box type=“download”] Shkarko: Raportin – Monitorimi i Duhanit nëpër Gjykatat e Kosovës 2015-2017[/box]
Asnjë lëndë nuk është trajtuar në Gjakovë
Gjakovë, 21 prill 2015
Në kuadër të përkrahjes së autoriteteve inspektuese për zbatim të Ligjit për Kontrollin e Duhanit, KADC sot vizitoi Komunën e Gjakovës dhe u takua me drejtorin e drejtorisë për punë inspektuese z. Mentor Sylmetaj dhe inspektorët sanitar z. Marjan Marku dhe z. Ali Kuqi.
Sipas Drejtorit zbatimi i Ligjit menjëherë pas hyrjes së tij në fuqi, ka qenë në nivel të lartë dhe është respektuar nga banorët e Gjakovës por tash së fundi ka ngecje. Arsyet janë që nga mungesa e bashkëpunimit aktiv dhe të vazhdueshëm me inspektoratin qendror e deri te jo trajtimi i lëndëve të dërguara në gjykatën themelore në Gjakovë. Janë dërguar 7 lëndë për kundërvajtje dhe deri më sot asnjë nuk është trajtuar. Ka lëndë të cilat inspektoriati i ka dërguar që në shkurt të vitit 2014 dhe të cilat ende nuk janë trajtuar.
Shkelja e ligjit në hapësirat e mbyllura publike në fillim ka qenë sporadike dhe tash është shëndrruar në një dukuri uniforme e sidmos në orët e vona të mbrëmjes.
Komuna e Gjakovës është duke punuar në zhvillimin dhe miratimin e rregulloreve që do ta funksionalizojnë punën e inspektoratit dhe nxjerrjen e UNIREF për realizimin e gjobave mandatore në vend të ngjarjes nga vet inspektorat.
KADC përkrahë inspektoratin qendror dhe komunal në ngritjen e bashkpunimit mes tyre si dhe bashkëpunimit të domosdoshëm me Gjykatat Themelore në mënyrë që Ligji për Kontrollin e Duhanit të respektohet dhe zbatohet në tërë vendin.
