Sporti në shkollat e komunës së Pejës

Në Pejë u mbajt tryeza mbi sportin në shkollat e komunës në të cilën morrën pjesë nxënës, prindër, mësimdhënës të edukates fizike, trajnerë dhe udhëheqës të klubeve sportive, drejtorë shkollash dhe drejtorë komunal.

Tryeza si pjesë e projektit për fuqizimin e komunitetit përmes angazhimit, kreativitetit dhe inovacionit të rinisë organizohet në tri komunat e Kosovës – Pejë, Istog dhe Klinë.

Drejtori për sport z. Iber Alaj në Ministrinë për Kulturë, Rini e Sport foli për mbështetjen e sportit në shkolla, Federatën e sportit shkollor, për nevojat që gjithmonë janë më të mëdha se mundësitë dhe që sporti është i nevojshëm të mbështetet edhe me punë vullnetare nga vet pedagogët e edukatës fizike. Ai tha se në shkollat tona janë të nevojshme 5 orë sport dhe punë me përkushtim nga arsimtarët dhe drejtorët. Foli edhe për ligjin për sponzorizim i cili ka mbetur pa u zbatuar për shkak të pakos fiskale e cila duhet të amandamentohet në Kuvend.

Drejtori për kulturë, rini e sport në komunën e Pejës z. Engelbert Zefajtregoi për mbështetjen që ka dhënë komuna dhe angazhimin në sport të të gjithëve në vitin 2015 kur janë mbajtur garat sportive mes nxënësve të shkollave në Pejë. Nevojtet të ndërtohet një rrjet i bashkëpunimit mes shkollave, klubeve dhe sektorit sportiv në përgjithësi që të kemi më shumë sport në shkolla. Ai ofroi bashkpunim dhe mbështetje për më shumë sport në shkolla dhe sport për të gjithë nxënësit pa dallim.

Ndërkaq drejtori për arsim z. Avdimetaj theksoi nevojën e përfshirjes së nxënësve nga fshatrat duke siguruar të transportin sa herë të jetë e nevojshme. Sipas tij me infrastrukturë sportive janë të mbuluara 90% të shkollave të komunës së Pejës.

Kryetari i shoqatës së sportit shkollor në rajonin e Pejës z. Sheremeti u interesua të dijë mbi organizimin e sportit shkollor në Kroaci nga mysafiri kroat në tryez, trajner i klubit Pejan të hendbollit “Besa Famgas”.

Z. Kordi tha që fëmijët janë këtu dhe gjithmonë të gatshëm të mirren me sport, nevojiten kushte adekuate të punës, kuadër profesional, më shumë orë të sportit në shkollë dhe një rregullore e qartë për të gjithë nga komuna mbi obligimet dhe përgjegjësitë e secilit që eshtë I angazhuar në sportin me nxënësit. Ardhmeria e një shteti është shëndeti i qytetarëve dhe duhet domosdo të sigurohen kushte për më shumë sport dhe sport për të gjithë nxënësit. Sipas tij në Hungari për çdo ditë ka orë të sportit në shkollë dhe shteti ka shpallur gjashtë disciplina sportive me interes nacional të cilat mbështeten në veçanti në nivel shtetror.

Drejtori i shkollës z. Tahiri ishte kritik ndaj punës së arsimtarëve dhe kerkoi më shumë angazhim dhe përkushtim nga arsimtarët në punën me nxënës.

Prindi znj. Shala shtroi nevojën që nga shkolla dhe arsimtarët të dijë se çfarë talenti sportiv ka fëmija i saj që të mund ta orijentoi në të ardhmen në atë disciplinë sportive. Ajo tha se nuk duhet sanksionuar orët e edukatës sportive në dëm të orëve të matematikës apo gjuhës shqipe.

Nxënësja Fiona tha që deri më tashti në shkollën e saj ka përkrahjen e madhe të arsimtarëve të prindërve dhe dëshirojë që të ketë këso përkrahje edhe nga qyteti.

Nxënësja Engji talente në gjimnastik tregoi për punën e saj dhe aktivitetet sportive, për kushtet e mira në shkollë ku ajo ushtron gjimnastik.

Trajneri z. Imeraj, drejtor në shkollën e volejbollit foli për pjesëmarrjen e femrave në sport nga to 65% vijnë nga zonat rurale.

Në tryezë folën edhe nxënësit Joni teniser dhe Leka futbollist në klubin “Besa” për stërvitjet dhe kushtet për sport në shkollë dhe klub.

Z. Veseli nga shkolla Xhemajl Kada dhe z. Sykaj folën për përfshirjen aktive të minoriteteve, komunitetit boshnjak dhe RAE në aktivitet sportive.

Rekomandimet nga tryeza ishin për më shumë komunikim mes të gjitha palëve të interesit, për përpilimin e kërkesave në të shkruar, procedimin e tyre në komunë por edhe në nivel qendror, për angazhim të shtuar të arsimtarëve me nxënës dhe për krijimin e një politike në nivel komunal që të rregullohet formimi i ligës së disciplinave sportive dhe mbajtja e garave mes klasëve në shkolla gjatë vitit shkollor.

#sportipertegjithe
#sportipadallim
#sportineshkolla
#USAID
#ATRC

Sporti në Shkollat e Klinës

Sporti në Shkollat e Klinës

Në Klinë u mbajt tryeza me temën “Sporti në shkollat e Klinës” në kuadër të projektit “Fuqizimi i komunitetit përmes angazhimit, kreativitetit dhe inovacionit të rinisë”. Në tryezë morrën pjesë personalitete të sportit në vendin tonë, drejtorë të Komunës së Klinës, drejtorë të shkollave fillore, arsimtar të edukatës fizike, udhëheqës të klubeve sportive, prindër dhe nxënës.

U prezentuan rezultatet e anketës me nxënësit e shkollave fillore dhe u diskutua mbi sportin dhe nevojën për më shumë sport dhe disciplina sportive dhe sportin për të gjithë pa dallim në shkolla.

Pjesprezentohen rezultatet e anketës me nxënësit e shkollave fillore dhe diskutohet mbi sportin dhe nevojën për më shumë sport dhe disciplina sportive dhe sportin për të gjithë pa dallim në shkolla.

Pjesëmarrësit e tryezës:

1. Besim Hasani, kryetar i Komitetit Olimpik të Kosovës –

Dy orë edukatë fizike është pak për nxënës. Duhet të kemi pesë orë në javë sport në shkollat tona. Sporti është domosdoshmëri e cila i zhvillon nxënësit tanë. Iniciativa të tilla, janë të nevojshme, jam i gatshëm që gjithmonë të marr pjesë dhe jap kontributin tim.

2. Skender Merturi, drejtor për kulturë, rini e sport, komuna e Klinës
Komuna ka ndërtuar katër fusha sportive dhe është e hapur për plotësimin e kërkesave që vijnë nga të rinjët. Komuna ka subvencionuar 10 klube sportive.

3. Ahmet Krasniqi, zëvendës drejtor i shk. f. Ismet Rraci
Kemi mungesë të palestrës sportive dhe fushave të sportit, mungesë të rekvizitave. Por kemi nxënës të motivuar për sport.

4. Florina Berisha, KADC
Gati 100% e nxënësve të anketuar kanë shprehur dëshirën për më shumë sport në shkollë dhe më shumë disciplina sportive e posaqërisht not.

5. Sejdi Desku, kryetar i shoqatës së pedagogëve sportiv në Klinë dhe trajner i klubit „Dukagjini“, volejboll- vajzat
Sfidë koordinimi i aktiviteteve arsimore jashtë mësimit të rregulltë. Garat në shkolla mbahen diku-diku. Vështirësi paraqet transporti apo bartja e nxënësve për pjesëmarrje në gara. Vajzat në futboll të mos anashkalohen por të subvencionohen sikurse djemtë.

6. Monika Palushaj, Këshilli i veprimit rinor lokal, Klinë
Të rinjët nga vendet e largëta të komunës së Klinës e kanë shumë të vështirë të merren aktivisht me sport për shkak të largësisë. Nuk ka transport të organizuar për ata.

7. Sami Millaku, pedagog i edukatës fizike dhe trajner i volejbollit për vajza klubi „Klina“
Komuna na i ka hap dyert për bashkëpunim, por mungon vullneti në mesin e pedagogëve. Nuk ka rekuizita të mjaftueshme, topat janë prej materialit shumë te dobët, nuk mjaftojnë më shumë se vetëm për një lojë.

8. Ema Kadriu, nxënëse, futbolliste, talente
Luaj dy orë në shkollë dhe ushtroj jashtë shkollës në klubin futbollistik për femra “Dukagjini”, Klinë.

9. Valon Nrecaj, nxënës, futbollist
Luaj 2 herë në shkollë dhe tri here jashtë shkollës për klubin “Dardania” Pejë më pagesë 15 euro në muaj.

10. Hil Merleku, pedagog edukatës fizike
Në Kosovë kemi shkollë të mesme të artit dhe të muzikës por nuk kemi shkollë të Sportit. Rekuizita cilësore në shkolla.

11. Arben Limani, drejtor për arsim, komuna e Klinës
Ejani që sot të furnizoheni me pajisje dhe rekuizita sportive në komunë. Komuna i ka dyert e hapura mirëpo duhet të vini me kërkesa në të shkruar.

12. Mustaf Deliu, prind dhe mësimdhënës
Çka më tutje? Si të ecim më tutje? Djali im që nga mosha 7 vjeqare ka luajtur futboll dhe ka ushtruar në klubin „Dukagjini 2000“. Kur i ka mbushur 18 vjeq, trajneri atij dhe 20 të tjerëve u ka thënë „shkoni në shtëpi“. Në Kosovë mungon lidhja mes ligave të grupmoshave. Nuk ekziston Liga regjionale për junior. Për këtë arsye talentat si djali im dhe bashkëmoshatarët e tij humbin talentin pas moshës 18 vjeqare.

13. Blerim Kelmendi, prind dhe mësimdhënës
A ka komuna e Klinës resurse për sport? Klina rrethohet prej pesë lumenjëve. A ka komuna plan për ndërtim të pishinës? Nga anketa pamë që nxënësit kanë dëshirë të merren me not.

14. Edmond Golaj, nxënës
Unë luaj futboll në shkollë. Nxënësit tjerë që nuk janë pjesë e ekipeve të futbollit në shkollë, gjatë orës së edukatës fizike rrinë në klasë.

15. Edi Buqani, nxënës
Kam dëshirë të merrem më shumë me sport dhe t’u ofrohet mundësia edhe nxënësve të tjerë të merren me sport.

16. Binak Gashi, kryetar i klubit të hendbollit „Dukagjni“, Klinë
Ekziston njëfarë xholizie në mesin e pedagogëve të edukatës fizike që pengon bashkpunimin dhe nxitjen e nxënësve që të merrem me më shumë sport. Duhet t’i heqim të rinjët nga rruga, dukuritë e këqija dhe pse jo nga përdorimi i tepërt i sportit.

#SportipërtëGjithë
#SportinëShkolla
#JavaEvropianeSportit
#BeActive
#USAID
#ATRC

https://www.facebook.com/KADC2009/photos/pcb.2006794389383355/2006795416049919/?type=3&theater