Të drejtat e Konsumatorit
Broshura per “Te drejtat e Konsumatorit”
Kryetari i Pejës mobilizon inspektorët për monitorim të Ligjit për Kontrollin e Duhanit
Kryetari i Pejës mobilizon inspektorët për monitorim të Ligjit për Kontrollin e Duhanit
Pejë, 22 prill 2015
Drejtuesit e KADC-së Z. Shkumbin Spahija dhe Z. Arben Lila së bashku me Koordinatorin Nacional për Duhan, Z. Faik Hoti, më 22 prill, në Pejë u takuan me Kryetarin e Komunës së Pejës Z.Gazmend Muhaxheri, në kuadër të fazës së dytë të monitorimit të zbatueshmërisë së Ligjit për Kontrollin e Duhanit.
Ky advokim tek Kryetari i Komunës së Pejës kishte për qëllim njoftimin e tij me rezultatet e komunës, për nivelin e zbatueshmërisë së Ligjit për Kontrollin e Duhanit, duke kërkuar njëkohësisht edhe përkrahjen e tij në këtë drejtim. Në mënyrë që agjenda e kryetarit të ketë si prioritet edhe zbatimin e këtij ligji, për të rritur edhe vetëdijësimin e qytetarëve për rëndësinë e zbatimit të tij.
Muhaxheri deklaroi se, ai do të vazhdojë të ndërmarrë hapa konkrekt për të forcuar rrespektimin e LKD-së në komunën e Pejës. Duke premtuar se do të mobilizoj autoritetet komunale, për të filuar inspektimet në këtë komunë.
Vetëdijësimi, përkrahja dhe fuqizimi i këtij ligji u vlerësua si një rol shumë i rëndësishëm edhe nga vetë Z. Muhaxheri, për arsye se përmes tij bëhet mbrojtja e interesit dhe shëndetit të qytetareve tanë.
Zbatimi i ligjit në Kosovë është më se i domosdoshëm, sepse zbatueshmëria e tij selektive po i ndëshkon personat të cilët pu punëojnë për të mirën e shoqërisë, kurse mbron ata të cilët vazhdojnë të shkelin rregullat e pranuara nga kjo shoqëri.
Asnjë lëndë nuk është trajtuar në Gjakovë
Gjakovë, 21 prill 2015
Në kuadër të përkrahjes së autoriteteve inspektuese për zbatim të Ligjit për Kontrollin e Duhanit, KADC sot vizitoi Komunën e Gjakovës dhe u takua me drejtorin e drejtorisë për punë inspektuese z. Mentor Sylmetaj dhe inspektorët sanitar z. Marjan Marku dhe z. Ali Kuqi.
Sipas Drejtorit zbatimi i Ligjit menjëherë pas hyrjes së tij në fuqi, ka qenë në nivel të lartë dhe është respektuar nga banorët e Gjakovës por tash së fundi ka ngecje. Arsyet janë që nga mungesa e bashkëpunimit aktiv dhe të vazhdueshëm me inspektoratin qendror e deri te jo trajtimi i lëndëve të dërguara në gjykatën themelore në Gjakovë. Janë dërguar 7 lëndë për kundërvajtje dhe deri më sot asnjë nuk është trajtuar. Ka lëndë të cilat inspektoriati i ka dërguar që në shkurt të vitit 2014 dhe të cilat ende nuk janë trajtuar.
Shkelja e ligjit në hapësirat e mbyllura publike në fillim ka qenë sporadike dhe tash është shëndrruar në një dukuri uniforme e sidmos në orët e vona të mbrëmjes.
Komuna e Gjakovës është duke punuar në zhvillimin dhe miratimin e rregulloreve që do ta funksionalizojnë punën e inspektoratit dhe nxjerrjen e UNIREF për realizimin e gjobave mandatore në vend të ngjarjes nga vet inspektorat.
KADC përkrahë inspektoratin qendror dhe komunal në ngritjen e bashkpunimit mes tyre si dhe bashkëpunimit të domosdoshëm me Gjykatat Themelore në mënyrë që Ligji për Kontrollin e Duhanit të respektohet dhe zbatohet në tërë vendin.