Bashkëpunimi me ekspert të OBSH – së
28, shtator 2015
Bashkëpunimi me ekspert të OBSH – së
KADC takohet me ekspert ndërkombëtar të OBSh-së nga Ankaraja (Dr. Toker Erguder dhe prof. dr. Nazmi Bilir). Të cilët kanë ardhur për të vlerësuar politikat për kontrollin e duhanit, Ligjit për Kontrollin e Duhanit dhe efekteve të tij në Kosovë.
Përgjatë kësaj jave takimi i parë është zhvilluar më 28 shtator në zyret e Ministrisë së Shëndetësisë. Prezent në këtë takim ishin edhe pjesëtarë të kualicionit antiduhan, Skender Syla drejtor i zyrës së OBSH – së në Kosovë, Faik Hoti, kordinator nacional i këshillit ndërministror.
Ky takim kishte për qëllim edhe ndarjen e praktikave të mira në mes të Kosovës dhe Turqisë, kryesisht rrespektimit të ligjit për ndalim të përdorimit të duhanit në vendet publike që implementohet në Ankara.
Kosova përfaqësohet në Seminarin për Kontrollin e Duhanit, në Ankara Turqi
1-st International Tobacco Control Research Workshop, March 24-26, 2015 Ankara -Turkey
Në Ankara, Turqi aktualisht po mbahet Konferenca Ndërkombëtare për Kontrollin e Duhanit e organizuar nga Autoriteti Rregullues për Duhan dhe Alkool i Turqisë (TAPDK), Universiteti Hacettepe, Zyra Regjionale e Organizatës Botërore të Shëndetësisë (WHO) dhe Instituti Nacional i Kancerit (SHBA).
Në këtë workshop marrin pjesë përfaqësues nga 14 shtete të ndryshme, duke përfshirë këtu edhe Republikën e Kosovës e përfaqësuar nga Koordinatori Nacional për Kontrollin e Duhanit (MSh), Z. Faik Hoti dhe drejtori ekzekutiv i KADC, Z. Shkumbin Spahiu.
Konferenca është një mundësi e mirë që të shihet se ku qëndrojnë shtetet e tjera në fushën e kontrollit të duhanit; programe të ndryshme; progresi; sfidat, përvoja 50 vjeçare e SHBA dhe e disa shteteve të tjera në luftën për kontrollin e duhanit; ndikimi negativ i duhanit në sistemet shëndetësore të shteteve të ndryshme; praktikat e mira të lënies së duhanit; modelet e bashkëpunimit; metodat e hulumtimit të nivelit të duhanpirjes; bashkëpunimin me shoqërinë civile dhe tema të tjera me interes.
