Tryeza Ruajtja dhe Përparimi i Shëndetit

[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_text admin_label=”Text” background_layout=”light” text_orientation=”left” use_border_color=”off” border_color=”#ffffff” border_style=”solid”]

Finalizimi i Strategjisë për Promovim dhe Edukim Shëndetësor

31 mars 2017 – KADC organizoi së bashku me Institutin Kombëtar të Shëndetësisë Publike të Kosovës, punëtorinë për “Ruajtjen dhe Përparimin e Shëndetit” me qëllim të finalizimit të Strategjisë për Promovim dhe Edukim Shëndetësor.

Tryeza “Ruajtja dhe Përparimi i Shëndetit” kishte për qëllim shqyrtimin e strategjisë “Promovimi dhe Edukimit Shëndetësor”, për të harmonizuar strategjinë me dokumentet standarde për hartimin e dokumenteve strategjike, sipas Udhëzimeve Administrative.

Grupi punues përbëhej nga anëtar të IKSHPK-së, KADC -së dhe Ministrisë së Shëndetësisë. Gjatë kësaj tryeze, u plotësua dokumenti strategjik me rekomandime nga pjesëmarrësit si dhe u ndanë detyrat për punën e mëtutjeshme, në ndryshimin e strategjisë dhe harmonizimin e saj me dokumente zyrtare.

[/et_pb_text][/et_pb_column][/et_pb_row][/et_pb_section]

Mbi 100 gjoba ndaj shkelësve të Ligjit për kontroll të duhanit vetëm javën e fundit

Prishtinë, 19 nëntor 2015

Mbi 100 gjoba ndaj shkelësve të Ligjit për kontroll të duhanit vetëm javën e fundit

KADC zhvilloi një takim pune në Prishtinë me përfaqësues të Koalicionit Antiduhan në Kosovë (MSH, OBSH, AUVK) gjatë të cilit analizuan ecurinë e deritanishme të inspektimeve të fundit të kryera nga ana e Inspektoratit Sanitar të Kosovës, me qëllim të zbatimit të Ligjit për Kontrollin e Duhanit në Kosovë.

Në këtë takim u bë e ditur se gjatë inspektimeve të ditëve të fundit të zhvilluara nga ana e këtij Inspektorati në orët e mbrëmjes, me ekipe të kombinuara të inspektorëve dhe me mbështetjen e Policisë së Kosovë , të kryera në komunën e Prishtinës, Prizrenit, Pejës, Ferizajt, Rahovecit, Mamushës dhe Suharekës janë dënuar 67 persona fizik dhe 40 subjekte afariste (kryesisht kafe bare), për shkak të shkeljes së Ligjit për Kontrollin e Duhanit.

Inspektorati Sanitar bëri të ditur se aksionet në orët e mbrëmjes do ta vazhdojnë sërish në këto Komuna dhe në të tjerat me radhë dhe objekt i inspektimit do të jenë subjektet të cilat po denonocohen nga ana e qytetarëve të vendit përmes numrit 0800 11000 dhe formave të tjera.

Në këto inspektime, ekipet e inspektorëve po përdorin sistemin e rotacionit të inspektorëve, duke dërguar inspektorët e njërës komunë në tjetrën për inspektim dhe po mbështeten pa rezervë nga Policia e Kosovës, e cila ka mundësuar që përveç shqiptimit të gjobave për subjektet afariste, të njëjtat të shqiptohen edhe për individët që me rastin e inspektimeve gjenden duke thyer ligjin.

Gjithashtu, në këtë takim, u diskutua edhe për vazhdimin e fushatave të ndërgjegjësimit, përmbylljen e udhëzimeve administrative që dalin nga Ligji për Kontrollin e Duhanit, hartimin e një Plani të veprimit për kontrollin e duhanit për vitet vijuese dhe masa të tjera që fuqizojnë zbatimin e këtij ligji në nivel vendi.

Përfaqësuesit e KADC-së, njoftuan në këtë takim se prej sot, në 7 qendrat më të mëdha të Kosovës ka filluar të realizohet hulumtimi i tretë rreth zbatimit të Ligjit për Kontrollin e Duhanit në Kosovë.

Koalicioni Antiduhan u ka bërë thirrje edhe inspektorateve të tjera, në veçanti Inspektoratit të Tregut; të Punës dhe të Arsimit, që të ndërmarrin masa për zbatimin e ligjit brenda fushave të përgjegjësive të tyre.

Kosova përfaqësohet në Seminarin për Kontrollin e Duhanit, në Ankara Turqi

1-st International Tobacco Control Research Workshop, March 24-26, 2015 Ankara -Turkey

Në Ankara, Turqi aktualisht po mbahet Konferenca Ndërkombëtare për Kontrollin e Duhanit e organizuar nga Autoriteti Rregullues për Duhan dhe Alkool i Turqisë (TAPDK), Universiteti Hacettepe, Zyra Regjionale e Organizatës Botërore të Shëndetësisë (WHO) dhe Instituti Nacional i Kancerit (SHBA).

Në këtë workshop marrin pjesë përfaqësues nga 14 shtete të ndryshme, duke përfshirë këtu edhe Republikën e Kosovës e përfaqësuar nga Koordinatori Nacional për Kontrollin e Duhanit (MSh), Z. Faik Hoti dhe drejtori ekzekutiv i KADC, Z. Shkumbin Spahiu.

Konferenca është një mundësi e mirë që të shihet se ku qëndrojnë shtetet e tjera në fushën e kontrollit të duhanit; programe të ndryshme; progresi; sfidat, përvoja 50 vjeçare e SHBA dhe e disa shteteve të tjera në luftën për kontrollin e duhanit; ndikimi negativ i duhanit në sistemet shëndetësore të shteteve të ndryshme; praktikat e mira të lënies së duhanit; modelet e bashkëpunimit; metodat e hulumtimit të nivelit të duhanpirjes; bashkëpunimin me shoqërinë civile dhe tema të tjera me interes.